AS FONTES DO CURRÍCULO
As propostas curriculares responden a unha corrente de pensamento ou filosofía educativa e aos intereses entre os grupos sociais e profesionais implicados. É, a fin de contas, unha toma de postura política na que teñen moito que ver as persoas que estean en postos de toma de decisións.
Á pregunta “De onde sae o currículo?” podemos responder que xorde das fontes do currículo, que son as ideas ou datos dos que se parte á hora de definir o proxecto formativo que se quere levar a cabo. Estas fontes son:
· Fonte sociolóxica
· Fonte psicolóxica
· Fonte epistemolóxica
· Fonte pedagóxica (que é a que nós imos tratar)
A FONTE PEDAGÓXICA:
Esta fonte cobre varias vertentes:
1- O modelo educativo:
Pode estar ou non formalizado e é o xermolo educativo do proxecto curricular. O material básico do modelo educativo son os valores ligados a:
o A mesma idea de educación (desenvolvemento persoal, equilibrio das diferenzas, etc)
o Responder aos principais problemas sociais a través da ed. multicultural, ed. pluralista, ed. para a saúde, etc.
o Crenzas relixiosas
É fundamental que o grado de compromiso con estes valores sexa elevado para que o modelo educativo teña éxito.
Hai outros aspectos a destacar en relación ao modelo:
o Prioridades establecidas: dos aspectos aos que temos que prestar atención, a cales se lle vai a dar un trato preferencial.
o Formas de relación entre os diversos colectivos. As relacións poden ser de confianza ou de competitividade. Ademais a forma de exercer o poder nesa institución vai a marcar o clima de desenvolvemento da proposta.
o Mensaxes explícitas e implícitas da institución (ex: colexio relixioso).
2- Espazos formativos:que se debe ensinar na escola?
Existen catro grandes ámbitos formativos, tendo en conta que formación non é a simple acumulación de informacións:
o Desenvolvemento xeral de capacidades intelectuais.
o Adquisición de novos coñecementos disciplinares.
o Desenvolvemento de destrezas de tipo operativo.
o Reforzamento dos valores e actitudes positivas.
Para isto o currículo debe cubrir dous campos de coñecemento e compresión: o coñecemento de si mesmo e o coñecemento do entorno e condicións nas que se desenvolve a vida nel.
3- Dinámica institucional dos centros escolares: natureza e condicións particulares de funcionamento da institución que van a condicionar o desenvolvemento práctico da proposta curricular. Aquí plantéxanse varios factores influíntes :
o Estrutura das escolas (diferenzas entre o público e o privado, por exemplo).
o Cultura institucional e tradición das escolas. Algúns supostos das propostas curriculares vense afectados polo estilo de traballo das institucións escolares (grado de coordinación).
o Recursos persoais e materiais dispoñibles (inflúe na calidade do deseño).
o Relación co entorno, sexa este entorno próximo, local, ou un entorno lonxano (ex: intercambios de estudantes con outros países).
4- Figura e traballo do profesor:
Os profesores son os encargados de adaptar a proposta curricular ás necesidades e particularidades de cada alumno e de cada contexto, por iso son tan importantes.
Hai varios factores relacionados con estes profesionais que teñen unha forte incidencia curricular:
o Características físicas do profesorado (por exemplo, a idade).
o Características profesionais:
- Experiencia profesional, que dotará de realismo e viabilidade ao currículo.
- Especialización científica, que suporá unha mellora na cualificación.
- Preparación pedagóxica.
- Percepción do seu papel.
o Factores institucionais do profesorado:
- Estabilidade (ex: o tema da interinidade)
- Configuración de equipos (creación do estilo de traballo cooperativo).
o Factores persoais (estilo persoal, capacidades, forma de ser):
- Actitudes e valores persoais.
- Motivación.
Grupo 4:
María Pérez Sande (coord.)
Patricia Sampayo Parra
Paula Pérez Abril
Patricia Vázquez Carballal
Gonzalo Filloy López
No hay comentarios:
Publicar un comentario